Poesia di Nino Costa - “La Mòle”

Un’altra poesia di Nino Costa dedicata a Torino, questa volta alla Mole Antonelliana.

 

“LA MOLE”

                                                        Dròla, për lòn l'è dròla, anssi i dirïa

                                                        che, 'n fatto 'd monument e 'd costrussion,

                                                        gnanca 'nt la Cina, gnanca 'nt ël Giapon,

                                                        dròle parei… dificil ch'a-i na sìa.

                                                        S'i l'hai da dive la vrità, më smìa

                                                        n'elmo d'assel con sò bel ciò 'd loton

                                                        ch'a 'nfilssa con la ponta lë Steilon

                                                        për nen che 'l vent a-j lo rabasta vïa.

                                                        E pura quand ch'i rive da lontan

                                                        e i vëdde da la fnestra dël vagon

                                                        spontè la Mòle… - val a dì: Turin -

                                                        i sente 'n fond al cheur come 'n posson,

                                                        quaicòs ch'av fa chinè la front sla man

                                                        e i treuve, malgré tut, ch'i-j veule bin.