Regala per natale un libro in lingua Piemontese, esposizione presso “Gioventura Piemonteisa”

Anche per il Natale 2010 un’ottima iniziativa di “Gioventura Piemontèisa ”, ovvero regala un libro per Natale, ovviamente in Piemontese.

A s’avzin-a ‘l di dla nàssita dël Bambin Gesù, la festa religiosa la pì sentìa ‘d nòsta siviltà.
Un lìber a l’é sempe un dij pensé pì anteligent. E lòn ch’a-i é ‘d mej për seguité la tradission e esprime nòsta afession a ‘n parent o n’amis ch’a viv ël Piemont che feje cadò d’un lìber an su nòsta tèra, magara dcò ant nòsta/e lenga/lenghe?

Për sòn i proponoma dco st’ann-sì, n’esposission ëd lìber piemontèis ëd tuti ij mej editor e tute j’ùltime novità, a ‘d pressi arzervà a l’amis ëd Gioventura Piemontèisa!
I vë spetoma tuti ij dòp-mesdì da 3 bòt a 6 e mesa, dai 15 ëd novèmber ai 23 dë dzèmber an contrà ‘d San Scond 7bis, a Turin.

Për tuta anformassion: 011.7640228 | giovpiem@yahoo.it

‘Dcò costa a l’é na manera për deje na man a nòstr Moviment për seguité la bataja che tòst a dovrà portene an condission ëd dësfende e promeuve com as dëv nòsta identità. Coma? Portand nòsta lenga an tute le scòle ‘d Piemont.

Ël prim pass? Oten-e ‘l PIEMONTÈIS LENGA UFISSIAL!

 

Mirò