Poesia “ël mè Piemontèis” del poeta Nino Costa

Una bellissima poesia di Nino Costa “ël mè Piemontèis”, 10 – 100 –1000 motivi per parlare Piemontese e se possibile anche scrivere in Piemontese.

Piemontèis parlè Piemontèis…

Ël mè piemontèis

Dal temp dij temp ij vej dla mia famija
l'han sempre dëscorù 'n dialet nostran.
Dij tanti amis dla gioventù fiorìa
pa gnun ch'a ciaciaréissa an italian.
La stòria dla mia gent, la poesìa
dël mè paìs l'é 'n dialet rudi e san
rangià 'n sël gust dla rima e dl'armonìa
ch'am ven dal sangh Monfrin e Canavsan.
Mè prim antich amor: la prima fiama
ch'a l'ha scaudà 'l mè cheur quasi... tre mèis,
l’è pròpe an turinèis ch'am piava 'n gir
e a l'é stait an dialet l'ultim sospir,
l'ultim salut ch'a l'ha bësbià mia Mama...
... L'é per lo-lì, ch'i scrivo an piemontèis.

                               Nino Costa

     Mirò