Gioventura Piemontèisa, sicuramente avrete visto in molti post dei link a questa associazione culturale con sede a Torino ,più volte ho scritto articoli appoggiando la campagna per il Piemotèis Uficial la raccolta della 10.000 firme da presentare in Regione affinchè la nostra lingua venga riconosciuta come una lingua ufficiale a tutti gli effetti, per molti lo è già ma non basta.
Oggi voglio presentarvi quest’associazione e non c’è modo migliore di farlo (copiando spudoratamente) dal sito ufficiale di Gioventura Piemontèisa anche perchè non sarei in grado di scrivere un’articolo nella nostra lingua.
Gioventura Piemontèisa a l’é ‘n Moviment coltural che dal 1994 a agiss për la promossion ëd la lenga piemontèisa (patrimòni ‘d pì che 3 milion ëd përson-e, prima lenga d’Europa nen ufissial).
Dël 1998 a l’ha ideà e elaborà un proget për porté l’ansëgnament ëd la lenga piemontèisa ant le scòle (ARBUT), che a l’ha realisà a parte da l’ann ëscolàstich 1998/1999, ëd régola con la Region Piemont. Ës proget a l’é peui stàit imità, bin o mal, da vàire associassion; tutun l’ARBUT original a resta ancor l’ùnich che a-j dà a j’ansëgnant j’instrument ëd conossensa për antërven-e ant le classe d’ëscòla (a travers ëd cors ëd lenga piemontèisa ch’a l’é fasse an tute le provinse) e, ant l’istess temp, a buta a disposission dij giovo anlev ëd mojen didàtich modern e vajant. Donca, da óndes agn an sà Gioventura Piemontèisa a l’é antërvënùa ant na milen-a apopré ‘d classe d’ëscòla, a l’ha organisà e portà a compiment ëd senten-e ‘d cors ëd formassion an sla lenga, la coltura, la literatura e la sivilisassion ëd Piemont (na tranten-a mach nt l’ann 2009/’10) e a l’ha realisà na stanten-a ‘d publicassion, dont na vinten-a a son ëd lìber didàtich.
Coste atività as gionto a le vàire àutre (convegn, seminari, stagion ëd teatro, studi, edission musicaj, stampa d’atualità, anformassion web – dal 1999!- progetassion d’inissiative) e, pì che tut, a l’elaborassion ëd test polìtich e legislativ (proget ëd lej al Parlament e a la Region, ordo dël di, propòste polìtiche) a pro dl’arconossiment e dla promossion ëd la lenga piemontèisa.
Cost travaj a pija l’andi da la consiensa che ëd realtà “virtuaj” a peulo nen avèj n’avnì e che an toca parte torna dai valor fondamentaj, restand con ij pé për tèra. A-i é pa mojen pì vajant për arviresse a la massificassion ch’a tira a fene tuti istess che arpijesse nòsta identità real (nen anventà o artifàita) individual e ëd pòpol. E la prima marca dl’identità d’un pòpol a l’é soa manera ‘d parlé. Ël pòpol piemontèis-savojengh, parèj ëd col ësvìsser, a parla da sempe quatr lenghe: piemontèis, francoprovensal, ossitan-provensal e l’alman dij Walser. Costa a l’é na realtà stòrica e social.
Dal moment che la rason polìtica sotnùa da la scòla e dai mojen d’anformassion a pòrta a l’estinsion ëd nòste lenghe (donca a la sparission ëd nòstr pòpol e ‘d soa manera ‘d vëdde ‘l mond) e a soa sostitussion con ëd manere ‘d parlé amponùe da fòra, la propòsta ‘d Gioventura Piemontèisa ant ël camp ëd la polìtica linguìstica a l’é sempia: che nòste lenghe a ven-o a esse co-ufissiaj an Piemont, parèj com ël catalan e l’aranèis a lo son an Catalunya. E se ij “media” e le costume comerciaj a slontan-o le generassion giovo dai parlé dij sò vej, che l’ansëgnament ëd nòste lenghe a ven-a esse obligatòri ant la scòla. E sòn a-j toca a la Region che, s’a l’ha ancor nen le competense, a l’ha mach da pijessje, com a l’han fàit an Valdosta.
Detto questo questo vi invito a visitare il sito di Gioventura Piemontèisa dove troverete tante iniziative ludico-culturali tra cui gli interessantissimi corsi di lingua Piemontese.
Contat:
Gioventura Piemontèisa,
Contrà ‘d San Scond 7, bis
10128 Turin,
tel. e fax +39 0117640228
e-mail: giovpiem@yahoo.it
Mirò
Nessun commento:
Posta un commento